點解我咁鍾意OneSky 慈善行山活動？ 因為佢教到我兩個仔女乜野係同理心！

今年「One Hike for OneSky」在11月10日舉行，Bill Quarless已連續五年參與這項慈善活動。他向我們透露這個活動對他的重要性。

「我地好支持OneSky 同埋佢地咁有意義嘅工作。我地好開心可以出一分力，支持OneSky培育和照顧弱勢兒童。」

「我特別鍾意呢個慈善行山活動，因為我可以同屋企人同埋成間公司嘅同事一齊參加。我兩個小朋友都好清楚嚟行山嘅目的，我亦會藉住呢個機會去教佢地乜野係同理心同埋無私嘅精神。我嘅員工亦好希望一齊參加，以團隊嘅名義回饋社會。我地會進行一場友誼賽，籌得最多錢個位會有獎勵，而公司亦會捐出相同數目嘅善款俾OneSky。」

「多得我五歲同六歲嘅仔女嘅參與，等我有機會慢慢行，我地成個團隊通常都會一齊到達終點。所以呢個行山活動嘅好處之一，就係佢有唔同嘅行山路線俾你揀，適合唔同體質嘅人參與。無論你揀邊條路徑都好，只要到達終點就已經係一個成就 — 因為更重要嘅係，我地每人都需要付出，共同努力去完成呢個目標，幫到有需要嘅人。咁呢一日就會過得特別滿足同有意義喇！」

Bill Quarless 現職Impact Products的行政總裁

 

 

 

This post is also available in: EN